منتديات الاولى للســـادة الأشــراف الياسر الرســـمية
اهــــلابـــك اخــــي الـــزائـــر الكريــم فــــــي


مــوقـــع الرســمي للســـادة الأشــراف الياسر




منتديات الاولى للســـادة الأشــراف الياسر الرســـمية

منتديات الاولى للســـادة الأشــراف الياسر الرســـمية
 
الرئيسيةالبوابةبحـثالتسجيلدخول

شاطر | 
 

 ديوان نصي((شاعرات من الباديه))قصائد غزل ورثاء وهجاء وقصص

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
احمد السويط
مؤسس شبكات ومواقع السادة الاشراف الياسر
مؤسس شبكات ومواقع السادة الاشراف الياسر
avatar



نقاط : 1129059

تاريخ التسجيل : 21/01/2009

العمر : 37

الدولة : الكويت

الهوايات : بحث بتاريخ الانساب

العمل : مؤرخ ونسابة محقق بتاريخ الانساب / مؤسس شبكات ومواقع الساده الاشراف الياسر

القبيلة : السادة السويط

المزاج : مستقل

الموقع : موقع الساده الاشراف الياسر

عدد المساهمات : 515

الشعبية : 6

:


مُساهمةموضوع: ديوان نصي((شاعرات من الباديه))قصائد غزل ورثاء وهجاء وقصص   الأحد يوليو 05, 2009 8:52 pm




من شاعرات القصيم وبالتحديد رياض الخبراء تزوج زوجها
ابراهيم الدواس من امرأه اخرى ومال اليها كل الميل متناسيا عشرته مع زوجته الاولى ..
فقالت له ناصحه:




لا تعاف العدِّ يجذبك الغديري
والمطر مادام للي يشربونه



وكانت تقصد بذلك ان الغدير لا يوجد الا بموسم الامطار ولن يدوم لك كالعد
وهو البئر دائما .
وحين حدث خلاف عائلي وكانت هي احد اطرافه قامت بأستشارة ابنائها
بهذه المشكله وكان لكل منهم رأيه فـقالت :




دوّاس ياجبرتي يامالي الغالـي
ياما عيوني وراكم ماتردونـه
قال اصبري والزمن لا بد ميالي
والنار تطفا الى قامو يرشونـه
والا عبيّد وقف في وجه عذالي
حلف وحرّم على امي ماتطبونه



وقالت تخاطب ابنها محمد :




محمد متى تكبر وتبني لي البيت
والا تنهّج مع طريق الربوعـي
ابوك يشناني وانـا ماتردَّيـت
ولا ضهته يوم سوق الدفوعـي



ايضا هذه شاعره من بني لام حين توفي زوجها وكان شجاعا
لا يريح مطيته من كثرة الغزو ,,, واخذت اخوه بعد وفاته ......
ولـــكــن ....... قالت !!!!




ينلاع قلبي كل ما اوحيـت طريـاه
كما يلوع الطيـر شبـك الحبايـل
أخذت اخوه ابغى عوض ذاك من ذاه
البيت واحد مـن كبـار الحمايـل
الـزول زولـه والحلايـا حلايـاه
والفعل ماهو فعـل واف الخصايـل



وهي اطول من ذلك فأضمر زوجها هذه الابيات واثبت لها العكس ثم
مدحته بابيات اخرى .

شاهة العبدالله العتيبيه

سكنت الزلفي و ألفت حياة الحضر فكرهت زوجها المطيري حسين الدويش
ورفضت ان ترجع معه للباديه فقالت تهجوه:




ياحسين مااحفينا عليك المراسيل
ولا لك خطبنا يامروَّي السلايـل
ولابك على اولادالجريسي تنافيل
وساع الصحون مشعلين الفتايل



شعاع الاسلمي

عندما زوَّجها ابوها لبدوي رحال وكانت لاتريده
فأخذت تتوسل لوالدها قائله




لا يا يبه يا بعد حيي مع الميـت
إصبر علي لو كسوتي بالديونـي
يا بوي من كثر المراحيل مليـت
البـرد والمجهـام زود جنونـي
يا بوي في عمري شقيت وتشقيت
يا بوي ما قوى للرحيل ارحمونى




مويضي البرازيه المطيريه




اللي يتوه الليل يرجي النهارا
واللي يتوه القايلة من يقديه



و كانت مويضي تغني فأرسل الحاكم من يوبخها لعدم العودة مجدداً للغناء:




ياسّعد عينك بالطـرب يالحمامـه
ياللي على خضر الجرايد تغنيـن
عزي لعينك وان دراى بك سلامه
خلاّك مثلي يا لحمامـه تونيـن
كسّر عظامي كسّـر الله عظامـه
شوفي مضارب شوحطه بالجاجين
وأن كان ودك بالطرب والسلامـه
عليك بالفرعه ديـار الوداعيـن



حصه العنزيه

تذكر جمال لحظات لقاء الحبيب في الخيال.... اما الواقع فلم يحدث




ياحلو رص الروح بالروح للروح
متوالفيـنٍ كلـهـم لا بليـنـا
مالي بتفطين المحبين مصلـوح
بالذكر والا عـن كـذا مادرينـا
قلته من نوع التماثيل ومـزوح
مالى عشيـر ولالهـذا مشينـا
لوكان باب العشق للناس مفتوح
نحمى شرفنا مع رجـال علينـا



بنت أبن رخيص من شمر

مات ابوها وباتت ترفض الزواج بحجة انها
لا تريد الا رجلا بمعنى الكلمة ويتحلى بالشجاعه
فـارسلت هذه الأبيات لعمها (( شفاقة )) تقول :




يا راكب فـوق لحّاقـه
حمرًا تقل واشعة دمي
اسلم وسلم على اشفاقة
واللاش لايرسله يمـي
حلفت انا ما اخذ العاقة
لو آكل العمر عند أمي
إلا لمن يحتمي الساقة
لا درهم الجيش وألتمي



الشاعره مداهن في رثاء زوجها




نطيت رأس الرجم واوميت بالخمس
واقول ياهجـر النيـا ويـن خلـي
خلي عقدنـي عقدتيـن بـلا لمـس
وانـا عقدتـه عـقـدة ٍ ماتحـلـى
كان أمس مثل اليوم واليوم مثل امس
وان كـان باكـر مثلهـن زاد غلـي



وهذه شاعرة اخرى مجهوله ترثي اهلها وتقول :




هنيكم يااهـل القلـوب المريحـه
ماالوم عيني لو جرى دمعهـا دم
ابكي هلي أهل الـدلال المليحـه
اخواني اللي اذا بغـوا لازم تـم
يالعبدهاذي من حكايا الفضيحـه
خل السهر لي وانت يالعبد قم نم
من أول نأمـر تجـي بالذبيحـه
واليوم ياعصر الندم صرت لي عم




وقالت شاعره مجهوله




كان أنت في دو الخلا تمتنينـي
فأنا تراني كـل يـوم أتمنـاك
وإن كان بالخافي تجر الونيني
ونيني أكثر نعنبو بطنن أضناك
حبك حرم عن كثرة النوم عيني
ريفي مراعاتك وشفي بطريـاك
لا عاد عرف ٍ صار بيني وبينك
أخاف حبك يوردنى حبل الإدراك



ولها ايضا

قصيده تتراجع فيها عن الحب بعد كبر سنها:




طرد الهوى عقّلت دونه ركابي
لو كـان ماعلقتهـن ياصلنـه
ادور الغفران باتلـى شبابـي
والاّ اوله قد فات مافيـه جنـه
الحب في ماضي شبابي سطابي
لزوم تظهر شارته لـو نكنـه
يدري به اللي صايبه ماجرابي
يابين شاراته على اللي مشنّـه



بويتله الروقيه

تتخيل منازل اهلها وتحن اليها:




عديت رأس(جويّ) وقت الغطاليس
واشوف شوف مايشفونه الجـن
اشوف عفر حسين مثل المقابيس
وهو يلاوي مهرته مابعـد عـن
واشوف في نجد طوال النسانيس
واوحي الحوير يرضع امه بعد حن
واشوف جربوع تطقّـه قرانيـس
عني على قدّ النويـع اذا اهـون




وشاعرة رأت من زوجها مالايعجبها فقالت:




ياشوق ماتطلقن واجـزاك
عـدك بنـا عامـل طيبـى
يوم اني عيني تبي لامـاك
ماطعت انـا كـل خطيّبـى
واليوم عيني تبـي فرقـاك
دايم دموعي علـى جيبـي
تلقى العوض عاشقه تشهاك
والقى عشيـر يهلـي بـي


كنه الشمريه

وتقول مخاطبة اهلها:




لعيون من قال لعيونـه
يجري اخلاف الردّيّـات
هذاك يابـوي مادونـه
لو المواشـي قليـلات
ليا درهم الجيش ينخونه
يوم الركايـب حفيـات



نوره بنت هطيل الشمريه

نوره بنت هطيل بن خالد الزريقي من العطون من الجعفر من شمر ,,,,

كانت مع ابل والدها ومروا عليها اهل ركايب واسالوها عن اهلها وقالو يمكن صلبه

فقالت هذه القصيده:-




يايبه أهل الركايـب نشدونـي
حش قلبي يوم قالوا ياصلبيـه
لعن ابوكم بحرو وسم العطوني
لعن ابوكم والله اني ضيغميـه
كانكم بالوسم واهله تجهلونـي
نوخوهن عند حامـي الونيـه
يالركايب لاتهجـن بالعفونـي
ياحسيف فدكن كـل ضحويـه
والله لنشد عنكم ياما تعرفوني
ماركب ركابكـم كـود الدهيـه
كلمة الحقران علي ما تهونـي
ماني من صليب واصلي شمريه
الضياغم عزوتي مايرحمونـي
يوم جلب الروح باسواق المنيه



صالحه العيسانيه العتيبيه

رات أخاها (غازي) وقدبانت عليه امارات عشق احدى الفتيات وكان ينشد قائلا...




يامرحبا ياللي على بيتنـا مـر
رد السلام ولامعي فيـه حيلـه
يامرحبا عدة حصى كشب واكثر
وعدد جراد طاير مـن مقيلـه
ياحلو زوله يوم لبس المشجر
ياطى بمصبوب القدم في شليله


فلامته أخته (صالحه) في هذه الأبيات....



انهاك ياغازي عن الحب الأقشـر
انهاك عن درب الهوى وتغديلـه
خل الهوى يامال جـوع المجـدر
ترى الهوى ماهو خطاة الحليلـه
ترى الهوى حسك الوبر حلوة الدر
ليـا بركـن حيرانهـا بالسليلـه
ترى الهوى رمح على حارك اشقر
اللي على الركاب يكسـر شليلـه
ترى الهوى عزمة ركيب الى مـر
عن بيت خمـع ماينشـط مقيلـه
خل الشحم والسمن للربـع يكثـر
مع منسف داف عليهـم تشيلـه
من ضيننا والا فضيـن المتجـر
عطهم ثمنهـا نقـد والا محيلـه
ماهيب بنت اللي نعوله لهـا كـر
اللي على متنه مدافـق صميلـه

---------------------------

نوره الهوشان الرشيديه

هذه القصيده المشهوره وكانت تسكن عين الصوينع ومرت على مزرعه طليقها
فوقفت تنظر الى زرعه ومعاويده :




ياعين هلي صافي الدمـع هليـه
والى انتهى صافيه هاتي سريبـه
وياعين شوفي زرع خلك وراعيه
شوفي معاويـده وشوفـي قليبـه
لو مرني في بالدرب ما قدر أحاكيه
مصيبـة يـاوى والله مصيـبـه
اللي يبينا عيـت النفـس تبغيـه
واللي نبيه عجز البخت لا يجيبـه




محاورة بين الفارس الشيخ عقاب بن سعدون العواجي وبين إحدى نسائهم كان لها زوج وحصل

على غزو الشيخ عقاب معركة قتل فيها بعض من رجالهم وكانت هذه الفتاة تترقب الخبر وتتلهف

على محبوبها عسى ان يكون سالم وتوجه السوال للشيخ عقاب :




ياعقاب ياحبس الضعن بالققاء الشين
ياللـي حريبـك بالهزيمـة يمـنـا
عينت ذيب الخيـل يـوم الأكاويـن
نور العيون غيبتـه الشمـس عنـا
هـو سالـم ولا رمـوه المعـاديـن
ياعقـاب خبرنـي تــراي اتمـنـا



فاجابها الشيخ عقاب بهذه الأبيات يمتدحه فيها وموضحاْ ماجرى في هذه المعركة :




يابنت ياللي عن حليلـك تسأليـن
حنـا لنـا حـي يسالـون عـنـا
خمسة عشر ليلة على الوجه مقفين
نـزور شقـح بلأباهـر اتحـنـا
وشفنا اهل البل شاربين الغلاويـن
مـن دون وضـح للحويـر تحنـا
جونـا ثمانميـه وحنـا ثمانيـن
مثل المحوص الشلف منهم ومنـا
وبانت رديتهـن وشفـت الردييـن
وكل عرفنـا عزوتـه يـوم أكنـا
ليتك اتراعـي ياعـذاب المزاييـن
يـوم ان عيـدان القنـا يطعننـا
منا حليلك طـاح بيـن المثاريـن
في ديرة فيهـا الأوضيحـي تثنـا
ومنهم جدعنا عند شوقـك ثلاثيـن
كم خير مـن راس رمحـي يونـا
في ساعة ٍ فيها تشيـب الغلاميـن
وانطح انحور الخيل يـوم اقبلنـا
ياما نقلت الدين واوفيـت اللديـن
وحريبنـا فـي نومتـه ماتهـنـا
ارسي لهم يابنت وانتـي تعرفيـن
ليما حمام النصـر رفـرف وغنـا
واردها والحـق اربـوع مخليـن
بوجيـه قـوم يطلقـون الاعـنـا
عادتنا نخلـي سـروج المسميـن
ونروي احـدود امصقـلات اتحنـا
وقلايعي من نقوة الخيل عشريـن
قبـا ولافيـهـن تـبـار ودنــا
ارسي كما فارس بني عبس راسين
وانا زبون الحـرد حامـي وطنـا




ضحيَّه الحماد







بيرق عشيرة السادة الاشراف

الـــسويــــــط






 

الشيخ مانع ابن صويط:
حنا صويطات على الحرب صبار
لمن  الحريب لحربنا شب ناره
نزمي كما تزمي شخانيب سنجار
وإلا كيفان الدبا  ياطا الزباره
وحنا هل الجمع مسبل ليا سار
حريبنا لازم يخلي المعـاره
وسيوفنا  قد عَذَّبت كل جبار
وجدودنا سيــد القبايل خياره


ايملي

lovu79@hotmail.com



عدل سابقا من قبل احمد بن عليان ابن سويط في الأحد يوليو 05, 2009 8:56 pm عدل 1 مرات
الرجوع الى أعلى الصفحة اذهب الى الأسفل
http://alyassir.7olm.org
احمد السويط
مؤسس شبكات ومواقع السادة الاشراف الياسر
مؤسس شبكات ومواقع السادة الاشراف الياسر
avatar



نقاط : 1129059

تاريخ التسجيل : 21/01/2009

العمر : 37

الدولة : الكويت

الهوايات : بحث بتاريخ الانساب

العمل : مؤرخ ونسابة محقق بتاريخ الانساب / مؤسس شبكات ومواقع الساده الاشراف الياسر

القبيلة : السادة السويط

المزاج : مستقل

الموقع : موقع الساده الاشراف الياسر

عدد المساهمات : 515

الشعبية : 6

:


مُساهمةموضوع: رد: ديوان نصي((شاعرات من الباديه))قصائد غزل ورثاء وهجاء وقصص   الأحد يوليو 05, 2009 8:53 pm


الشاعرة غزيل


من قبيلة تميم من سكان القصيم تتغزل في معشوقها بلعوس :




واتل قلبي علـى بلعـوس
تلـة ركــاب المقفـيـن
أقفى بقلبي يدوسـه دوس
ياليـت ماهلـه دياحيـن
اشرية لو ينشري بفلـوس
لـو يزعلـون القريبيـن
يفدا عشيري عرب مدهوس
وعويشـه والجداعـيـن
غليـم يكسـب النامـوس
ويكثـر الهيـل بالصيـن



الدقيس الجميليه

كانت تسكن وقومها في جوار مانع بن سويط شيخ الظفير وعشقها اخاه فقام بطردها مانع
هى ومن معها من قومها فقالت :




يالله عسى ماتكره النفس خيره
ياوالي القدره عليك التدابيـر
اللي فرق بين العشير وعشيره
هو له وانا ليه ولي المقاديـر
وراك يامانـع تبتـن بجيـره
زودن على تلطيخكم بمالعايير
انا صليبيـه ولانـي نحيـره
وانتم نحايركم رقاب المناعير
حنا صليب ولاعلينا تحييـره
عاداتنا ننزل خلاف الدواويـر
مانع اذا ركب الجواد الظهيره
ماله مثيل يعلم الله سوى الزير
زير العراق اللي ربى بالجزيره
شيخ كبير ووافي بالتشابيـر



الى ان قالت :




والله لا ابدل دارهم لي بديره
نتبع مزون ماشيات المحادير



و حين رحلت عن الظفير ارقبت في ذلك الرجم وقالت :




عند الضحى عديـت رأس عنقـور
اشرف على راعي العلوم الدقاقـه
ياونتي ياما بصدري مـن الجـور
ونـة ضعيـف ضاهدينـه رفاقـه
يايااه شفي واحدن من هل الهـور
هو عشقتي مـن ناقليـن التفاقـه
غديت له عوق وهو صار لي ثابور
والكل منا صـار شوفـه يعوقـه



وسمعتها امها فرق فعذلتها بقولها:




برق مصد عنك لو كان بـه نـور
بالك تخيله لـو ربيعـك شفاقـه
ترى الرجال ابهم تمازيح واغرور
ومن قبل بخصه لا يجي لك عشاقه



فردت عليها الدقيس بقولها :




من لا استشارك لاتبدي له الشور
ومن لايودك نور عينـك فراقـه



وذهب هذا البيت مثلا مشهورا الى يومنا هذا .

الجازي السبيعيه

كانت يتيمه عند عمها رديني فزوجها من امير المجمعه ابن عسكر

على غير رضى منه فأكلت سما وماتت وكانت قد قالت قبل موتها :




لقيت بأكل السم ياعـم راحـه
اخير من رجل بليتـن بلامـاه
شفي سبيعـي بتالـي طياحـه
اخير من قصر بن عسكر ومبناه
ان مت حطوني بوسط البياحـه
قبري على درب المظاهير تاطاه




مويضي بنت زعيفر العتيبيه

عتيبه كانت تعشق رجلا فرفضت الزواج به لأنها تعتقد انه لايرغب الزواج بغيرها ولكنها

فوجئيت في اخر الأمر بنبأ زواجه من فتاة غيرها فعابت عليه عدم وفائه وأنشدت

الأبيات التاليه تلومه :




ياسعود يوم أنك لحق العزيـب
لاوهنيـك يالمقاطـي هنـيـاه
انتـه تدورلـك بكـار ذهيـب
ونا ذهيبي ضايع وين ابا القـاه
اعوي توالى الليل كني صويـب
كني صويب يسهر الناس بعواه
عيني تخايل كـل نجـم يغيـب
الليل كله بس اهوجس بطريـاه
قالواتطيب وقلت والله ماطيـب
يافـري مولـع القلـب فريـاه
يفدى وليفي كـل قـرم تعيـب
وشيوخ برقا كلهم مـن فدايـاه
ويفداه ابن هندي مجري الرعيب
ولو كان شيخ والمراكيب تناصاه
ويفداه ابن سحمان سقم الحريب
اللي نطالع ظلم مع درب شلفـاه
السود من عندي تنصا صحيـب
اللي فهق حوضه وقدم ظمايـاه







بيرق عشيرة السادة الاشراف

الـــسويــــــط






 

الشيخ مانع ابن صويط:
حنا صويطات على الحرب صبار
لمن  الحريب لحربنا شب ناره
نزمي كما تزمي شخانيب سنجار
وإلا كيفان الدبا  ياطا الزباره
وحنا هل الجمع مسبل ليا سار
حريبنا لازم يخلي المعـاره
وسيوفنا  قد عَذَّبت كل جبار
وجدودنا سيــد القبايل خياره


ايملي

lovu79@hotmail.com

الرجوع الى أعلى الصفحة اذهب الى الأسفل
http://alyassir.7olm.org
احمد السويط
مؤسس شبكات ومواقع السادة الاشراف الياسر
مؤسس شبكات ومواقع السادة الاشراف الياسر
avatar



نقاط : 1129059

تاريخ التسجيل : 21/01/2009

العمر : 37

الدولة : الكويت

الهوايات : بحث بتاريخ الانساب

العمل : مؤرخ ونسابة محقق بتاريخ الانساب / مؤسس شبكات ومواقع الساده الاشراف الياسر

القبيلة : السادة السويط

المزاج : مستقل

الموقع : موقع الساده الاشراف الياسر

عدد المساهمات : 515

الشعبية : 6

:


مُساهمةموضوع: رد: ديوان نصي((شاعرات من الباديه))قصائد غزل ورثاء وهجاء وقصص   الأحد يوليو 05, 2009 8:57 pm






قالتها في مدح زوجها / مبشر بن مرزوق المزيني الحربي الذي كان له من صفات



الكرم والجود الشيء الكثير رغم حالته المادية الضيقة :






يامل عين ٍ حاربت سوجة الميل


على عشيرٍ بالحشا شب ضـوّه


عليك ياللي طبخته نصفها هيل


اللي سعى بالطيب من غير قوّه


المال ما طيّب عفون الرجاجيل


والقل ما يقصر براع المـروّه


يا عنك ما حس الرفاقة ولا قيل


ذا مغثي ٍ ما ينزل حول جـوّه


له عادة ٍ ينطح وجيه المقابيـل


هذي فعوله بالمراجـل تفـوّه


أجواد نسل جيـل ٍ ورا جيـل


الطيب فيهم من قديـم ٍ وتـوّه






شده بنت هملان الشمري



أحبت الشاعره رجلا من بني عمها حبا شديدا حتى أثر غرامها به على صحتها فمرضت



وهزل جسمها وأشرفت على الهلاك وراع أهلها ما أصابها فسألها أخوها عيد عن سبب انحطاط



جسمها ومرضها الخفي فأجابته بقولها:






بي المرض الخفي ياعيـد


اللي على الناس يدعابـه


ليا صار لك صاحب ٍ وبعيد


وإلا عشيـر ٍ إيعيـا بـه


أنا هوايه ماهوب رعديـد


قرم ٍ على القـوم يعدابـه





احدى بنات السلقا من العمارات من عنزه.


وهي مجهوله .... تتغزل بحمود بن رميزان ..






يـازول أبويـه هـلا ياحمـود


وان جيت من أقصى العرب عاني


يفداك أخويـه وابويـه العـود


واللي لنـا مـن العـرب دانـي


ويفداك مـن حـودروا للسـوق


نجعـة هـيـازع وشمـلانـي


ويفـداك مـن علـق البـارود


المـطـر فــي والمضيـانـي





وضحاء المشعان



وهذه الشاعرة من حرب عندما تتغزل


بسعود البسيس وتجعل الناس فداء له


ويقال ان حبهما استمر عشرين عاماً وكان بنو عمها قد منعوها من الزواج منه


تقول :






يا ونتي ونة قعـود الظغينـه


ليا زفة المعصير واللي يحـده


لا ركبته خطو الهنوف الحزينة


وقالت حلال القوم ماشي ٍ مشده


ويفداه من حط العصا في يمينه


ويفداه من يركب بوسق الاشده


ويفداه من باب الحسا للمدينـه


وماحده البحرين لقصور جـده





وقد تحسفت وندمت على ذلك بان جعلت كل من ذكرت فداء له و تراجعت وقالت هذه الابيات:






قاف بنيته يالنشامـى غبينـة


عسر عليه بالحواضر مـرده


هذا الهوى اهل الهوى عارفينة


دايم على درب الرزالة يحـده





ولها ايضا






ياهيه انتم اهل البكار الضمر


دارو عليهن يا اهل العجلات


ردوا سلامي لو انتم من شمر


ردوا سلامي لحامي الوندات


قولو عشيرك بالحديد يسمـر


ونشهد انـه مـدرك مـوات


أنا اشهد انك ياسعود مقمـر


تعطي هروج وتقفيـه زلات





وانشدت أيضا هذه القصيده في من تحب وهو من نفس القبيله ويدعى سعودالبسيس


عندما تقدم لاهلها بالزواج منها ومنعوه عيال عمها بسبب عادات التحجير .....


وتقول وضحاالمشعان لفايز الفراج الذى كان ينهاها بعدم القصيد بمعشوقها :






يافايز الفراج قلـب العنـا مـاج


و تبينت باقصى الضماير فجوعـه


عينـي بهـا هـزم ولاج ولـواج


عيني تنثـر يالسنافـي دموعـه


تشبه لها غرب على جـال هـداج


يوم السوانـي يالحبيـب تزوعـه


أقنب كما ذيب علـى جالهـم داج


اليا رفع صوته تعـاوت ضلوعـه


على عشير ما مشى درب الأعواج


ولا هو من اللي قاصرات بتوعـه


ما حطني يا محتمي الحرد مسهاج


قوله صحيح وعايـزات طبوعـه


و الله ما انسى صاحبي يا بن فراج


لو الشجر كلـه تصـرم جذوعـه





نزيلة الشمريه






من عقب ماني صايمه بس اصلي


اعرضت انا من حر شي جرالـي


تسعين لحية كلهـم دنـوة لـي


عوجان الالسن ذبحوا هم قبالـى


مافيهـم اللـي ذل والا استذلـى


ولافيهم اللـى يتقـي بالجبالـى


عيالنا بالشمـس ماهـم بظلـى


وحريمنـا دجـن بليـا رجالـى






طفله بنت مشرف الجبلي الشمري



رغبت الشاعره بالزواج من أبن عمها شباط بن مرزل الجبلي ،فقالت هذه الأبيات



تعبيرا عما تكنه له من محبه حيث تمكن حبه من قلبها وأصبحت لا ترى له مثيلا في البقاع التي



تسكنها أو تنتقل إليها ولحبه العميق أحبت كل ما يمت إليه بصله






حبك بقلبي بنـى لـه سـور


كان تفهـم العلـم وتطيعـي


وأمن الحسا إليا فريق اضمور


معطـي بحبـك ولا بيـعـي


سمي خلي مضـى لـه دور


قـبـل لـيـال المرابيـعـي





هنالك شاعره شمريه لم استطع معرفة اسمها


قد عشقت الفارس والشيخ حمود الحميداني عشقا بريئا عفيفا فقالت :






الهجن غادن لهن جضّه


يتلن حمود الحميدانـي


ياشوق غضروفه غضه


ماهرجت كـل ديقانـي





وقالت بعد ان رحلوا عنهم






ياحلو مقطانكم يامطير


مير البلا كان شديتـوا


مطير يامشبعين الطير


في سهلة وان تناخيتوا





فأتهمها قومها بريبه وقال شاعرهم






يابنت عدك عليـه ورود


عطن عليـه الحميدانـي


روى صراته غضي العود


واقفى عن العد رويانـي





غضبت وقالت






شمر عسى حضكم مقرود


والله وبالله مـاجـانـي


عساه يلحاكم بن سعـود


بسيوف بيدين غلمانـي






وبعد مده جائها خاطب فقالت لأمها





يايوم (يا أمي) ماريد كود حمود


اللـي ذبحنـي وانـا حـيـه


يفداه ابويـه واخـوي سعـود


واللـي بعـد مـن دوانـيـه


ويفـداه مـن ينقـل البـارود


واللـي تحـيـزم بشبـريـه


ويفـداه مـن يجـذب البالـود


واللي وقف لـه علـى الطيـه



---------------------


كنه الرماليه



بعدان عاد الغزو ولاكن لم ترى زوجها عبدالله؟






يهـل الركايـب ويـن عبـدالله


لاو الله اللي غدا بالكون رجالـي


يبطي عليه الصحن والنجر والدله


وتبكيه رملا عجوز مالها والـي


وتبكيه حمرا نهار الكون منتلـه


يوم اشهب الملح غاد ٍ له تزلزالي


ياقلب اصبر على ماجا مـن الله


كم واحد لاعته بقعا وهو غالـي





وقالت ايضا :






باقي العرب موتهم تخفيف


مار البلا مـوت عبـدالله


مرحوم يا مهلي بالضيف


يامكثـر الهيـل بالدلـه


إذا مسك زينة التوصيـف


الدم من مضربـه شلـه


ياما صفقهن ووردن عيف


وياما حمـى كـل منتلـه





هيـا الحربيه



هيّـابنت عياده الرشق من بني سالم من حرب متزوجة من رجل فقيروفي يوم تخاصم
مع والدها وأخذها من زوجها دون رضاها وفي احدالأيام قالت هذه الأبيات
فسمعها والدها فأعادها لزوجها






يا مل عين ما اهتنت نومة الليل


على عشير ٍبالحشا شب ضـوه


عليك ياللي طبخته نصها هيـل


اللي سعى بالطيب من غير قوه


المال ماطيّب عفون الرجاجيـل


والقل مانقص بـراع المـروه


رجال ماحس الرفاقـه ولاقيـل


ذا موذي ٍمايانّزل حـول جـوه


وله عادة ٍينطح وجيه المقابيـل


هذي فعولـه بالمراجـل تفـوه


أجواد نسل أجواد جيل وراءجيل


الطيب فيهم من قديـم ٍ وتـوه















بيرق عشيرة السادة الاشراف

الـــسويــــــط






 

الشيخ مانع ابن صويط:
حنا صويطات على الحرب صبار
لمن  الحريب لحربنا شب ناره
نزمي كما تزمي شخانيب سنجار
وإلا كيفان الدبا  ياطا الزباره
وحنا هل الجمع مسبل ليا سار
حريبنا لازم يخلي المعـاره
وسيوفنا  قد عَذَّبت كل جبار
وجدودنا سيــد القبايل خياره


ايملي

lovu79@hotmail.com

الرجوع الى أعلى الصفحة اذهب الى الأسفل
http://alyassir.7olm.org
 
ديوان نصي((شاعرات من الباديه))قصائد غزل ورثاء وهجاء وقصص
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الاولى للســـادة الأشــراف الياسر الرســـمية :: ۩۞۩ ::منتدى الادبي:: ۩۞۩ :: قصة وقصيدة-
انتقل الى: