منتديات الاولى للســـادة الأشــراف الياسر الرســـمية
اهــــلابـــك اخــــي الـــزائـــر الكريــم فــــــي


مــوقـــع الرســمي للســـادة الأشــراف الياسر




منتديات الاولى للســـادة الأشــراف الياسر الرســـمية

منتديات الاولى للســـادة الأشــراف الياسر الرســـمية
 
الرئيسيةالبوابةبحـثالتسجيلدخول

شاطر | 
 

 شعراء من الظفير

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
احمد السويط
مؤسس شبكات ومواقع السادة الاشراف الياسر
مؤسس شبكات ومواقع السادة الاشراف الياسر
avatar



نقاط : 1129059

تاريخ التسجيل : 21/01/2009

العمر : 37

الدولة : الكويت

الهوايات : بحث بتاريخ الانساب

العمل : مؤرخ ونسابة محقق بتاريخ الانساب / مؤسس شبكات ومواقع الساده الاشراف الياسر

القبيلة : السادة السويط

المزاج : مستقل

الموقع : موقع الساده الاشراف الياسر

عدد المساهمات : 515

الشعبية : 6

:


مُساهمةموضوع: شعراء من الظفير   الجمعة يوليو 03, 2009 2:38 am





بيت الامارة
السويط

شعراء السويط الكرام كثيرون جدا منهم

حمود بن نايف بن سلطان السويط
حمود بن سلطان بن مرشد السويط
مانع بن جحيلان السويط
حمد بن شويش السويط

من الشباب المعاصير الكثيرون

نصار بن صعفق السويط
نصار بن عذال السويط
احمد بن زاهي السويط
بدر بن ناصر السويط
خالد بن دهام السويط
غازي بن سليم السويط
سليمان بن ضويحي السويط


هؤلاء من المتواجدين على الساحة و الخافي كثير

لكن ساحاول ان اوجز من التاريخ ما احفظ


اولا:


الامير حمود بن سويط رحمه الله


شاعر و فارس فذ وهو الذي عشقته الشاعرة الصلبية ( الدقيس) حين قالت:



امس الضحى عديت في راس مزبور = اشرف على راع العلوم الدقاقة
انا شفاتي واحد ٍ من هل الهور = هو عشقتي من ناقلين التفاقه
عوق الظليم اليا تحدّر مع الخور = دم القرا ينقط على عظم ساقه
هو صار عوق ٍ لي وانا صرت ثابور = و الكل منا صار شوفه شفاقه
لعب بقلبي لعبة الغوش بالبور = اومى بي اوماي العصا بالعلاقه
غديت انا لا احدي ولا ابدي ولا اثور = ثناني تثناه الخلوج الوساقة
يا ونتي ياما بكبدي من الجور = ونة ضعيف ٍ ضاهدينه رفاقه
ودّه سمر قلبي ورا مشّه الزور = سمر الحديد اللي جواد ٍ حلاقه

فردت امها قائله:


برق ٍ مصد ٍ عنك لو كان به نور = بالك تخيله لو ربيعك شفاقه
ترا الرجال بهم تمازيح و غرور = و من قبل بخصه لا يجي لك عشاقه


فردت على امها بابيات اصبحت مثلا


من لا يشيرك لا تباديه بالشور = و من لا يودك نور عينك فراقه


نعود لشاعرنا فقد قال الابيات التاليه عندما طلبوا منه تأدية ابل كسبها و
رحل لديار قبيله اخرى بعد رفضه تأديتها و افراد تلك القبيله بدأو يتمتمون
مستنكرين فعلته فارسل الابيات لاخيه ( الامير نايف بن سلطان الذي كان امير
القبيلة انذاك)



يا راكب ٍ من فوق حمرا ردومي = فتر ظهرها مع غريبات الاجناس
مرباعها بين الحجر و الحزومي= ماهمها تسطي على جو الاطعاس
تلفي لابن فراج من عقب نومي = القرم ابن القرم قطاع الارماس
اليا ركب من فوق حمرا قحومي = فكاك ذوده يوم الارياق يباس
عن ديرة الحقران حنا نشومي = و افعالنا يشهد لها طيّب الناس
انا نحرت اللي يحملون زومي = و اليا حملنا زومهم مابها باس
و رجال ربعي بالمجالس كتومي = و العقل وسط ربوعنا كيل بقياس
يتلون نايف مثل حر الرجومي = على رضيع الديد مسقينه الكاس
اللي انضرب بمخلبه ما يقومي = فتر ٍ عليه الطير فرخ ٍ و قرناس





و هو القائل عندما مات قهرا عقوب بن عفنان بن سويط عندما علم بان جارته صاحت اثناء غيابه:




البارحة كل اول الليل اقول آه = من علة ٍ باق الملا ما درا له
من علة ٍ بالقلب و النفس تشقاه = قام يتوقد بالضمير اشتعاله
يا حيف زامل طاوع الضد و ارضاه = و مشى بطوع مضيعين الجماله
حنا لكم مثل الجبال المثناه = و انتم لنا قصر ٍ قصير ٍ ظلاله
يا راكب اللي يقطع الليل معشاه = ( يجفل ليا طالع سمارة ظلاله)
ياراكبه وصل لنا العلم منصاه = لا جيت ابو ثامر ترد النقاله
قل سربة الجيران ما عاد ننساه = نجزاه في رقطا حقوق ٍ خياله
رعودها دبك الرمك بالمثاراه = و بروقها سل النمش و اشتعاله
يشدا ظليم ٍ صاعة الملح و اخطاه = مع سهلة ريدا تزايد جفاله
الشيخ منا غالي العمر ينساه = و الشيخ منكم ما يراعي حلاله
و اللي يكدر صافي ٍ شرب من ماه = من كدّر الصافي شرب من حثاله



و بعد المعركة قال قصيده لا اذكر منها الا التالي



................. = .................
خذ الكلام وصل الهرج لعقوب = تلقاه عند محمد ٍ يشتكي به
ليتك بضبع يا حرا كل منيوب = و تشوف بعيونك شعاع اللهيبة
و تسمع باذانك لجة الخيل بركوب = و حس المطارد بالحسوس الصليبة
ما تشوف سعدون ٍ اكل راسه الدوب = عقب العيا راح المراجل تعيبه



.............................................



حمد بن شويش بن سويط

من شعراء الجيل السابق ( من الاربعينات والخمسينات و الستينات) حقيقة لا احفظ له الكثير و لكن اليكم بعض ما اذكر

عند اكتشاف البترول في واره و اشتعالها قال الشاعر


باديي باللي خلق ليل ونهاره
=واقي العثرات يوم العبد طاحي
قلبي اللي تلتهب به نار (واره)
=لو أعيّط ما حدي يوحي صياحي
شفت بدور اليوم ياهل العقل شاره
=الصخا والطيب والمعروف راحي


و له ايضا


ربعنا ما شاكهم طير العداوه= رددوا روس النضا للواصليه

هجمة الجاموس جابوها رضاوه= هجمة الجاموس مع ذود حضريه


و ايضا



هيه يا جمعان يا ولد الهبالي = لا تطم النور يا حامي الرديه

ان ذبحتوا سايق ٍ ماهوب بالي = جايبينه من كلاب الناصريه



.................................................. ...........................................


من قصائد نصار صعفق قصيدة الام المشهورة التي يقول في مطلعها


يا يمة منتهي جيتك و طالب منك الغفران = اقبل قاعة اقدامك و اغسلها بدمعاتي

وهي موجودة صوتية تحت اسم نصار الظفيري



و من قصائد نصار عذال قصيدة ( جبتها عالجرح المغناة)



جبتها عالجرح و كنك ما دريت = وانت قاصد ماهي عالنية اصدفت
والدليل انك تبسمت و مشيت = و انا انادي لك ولا يمي التفت
انصدمت بوقتها و كني انعميت = و كل قطرة دم بعروقي انشفت
وانهدم قدام عيني ما بنيت = والظنون الطيبة بلحظة اختفت
من عرفتك وانت تصدم ما اكتفتيت ؟؟!= دنيتي وهي دنيتي مني اكتفت
من يدينك اقوى صدماتي خذيت = وهذي صدمة تو جديدة شرفت
هذا حظي من على الدنيا وعيت = كل ما اضوي شمعة بدربي طفت
مع جميع الناس يا ربي وفيت = ليه بس اللي معي دمعة وفت



و ايضا احمد بن زاهي يقول مخاطبا احد شعراء السويط يدعى بدر بن ناصر


يا بدر دنياك ماهي على حال = حال ٍ يغويها و يعكس غواها
في شوفتي يا بدر والدمع هطال = جفت عيوني وشهو اللي وراها
يا ليت عيني وقتها صابها اجفال = والا عن المظلوم يظلم عماها
قمت اتحسر و الحسارى غثى بال = به لعبت دنياه لالعن ثواها
وين المراجل لعنبوا جد الاموال = وين الذي للطيب حازوا رضاها
هذا ولد منهو على الطيب منصال = هذا اخو رجال ٍ شديد ٍ رخاها
اليوم كنه خالي العقل مختال = اثر الليالي زودت له بلاها
اشكي لمن في غربته نعم الافعال = اللي على الطولات عدا سماها
اللي بطيبه طاب ثم طيب الفال = طيّب عطيبات الردى من رداها
الطيب طيبك عز عمك مع الخال = ارجال و فعول الكرم مبتداها
طلبت من ربي بما فيه انزال = ينزل على نفس ٍ بريه شفاها


فرد بدر بن ناصر يقول:


يا مرحبا تعداد ما سايل ٍ سال = و اعداد مزن ٍ حايره في سماها
يا مرحبا باللي لفانا بالامثال = مثايل ٍ بالطيب زايد حلاها
يا مرحبا يالقرم يا نسل الابطال = يا عز منهو باللوازم نخاها
العين شافت حارق الدمع همال = به دارت الدنيا و دارت رحاها
احمد لقيت الحال ما دونها حال = حال ٍ تبيد حيل منهو بكاها
حال ٍ تهد رجال و تطيّح اجبال = تطرح جبال الهند واللي وراها
الوقت هذا يا فتى الجود حيّال = يحتال برجال ٍ تنابز حياها
الوقت هذا ما حشم روس و رجال = بيض اللحى ما عاد تكرم لحاها
من عقب ما يسوا ثمانين رجال = اصبح عليل حالته ما دراها
من عقب ماهو وافي الطيب مدهال = عز المراجل .. احسن الله عزاها
يالله انا بدعي وانا كلي امال = تنزل على نفس ٍ بريه شفها
هذا وصلاة الله عدد نبت و رمال = على نبي الحق جالب هداها



و هذي لسليمان بن ضويحي


واطيري اللي زودوا فيه الأثمان
=اشعل ظهر والصدر يجهر شعاعه
لو له شبيه في الملى هو غزالان
=راجي عل زينه يزود بشـجاعــه
خذته ولاني يا هل الطير ندمان
=من عادتي ما نيب اسوم البضاعه
الى ركز في مجلسي طير حوران
=وتجمعوا عندي كثير الجماعه
وشلته على كفي كثير الغثا هان
=عندي غدى للهم مثل المناعه
لا صرت فيما تطلب النفس بلشان
=اترك طمان القاع وارقا برفاعه
وباكر تصاريفه على عالي الشان
=من يضمن الدنيا ولو ربع ساعه

منقول






































































































بيرق عشيرة السادة الاشراف

الـــسويــــــط






 

الشيخ مانع ابن صويط:
حنا صويطات على الحرب صبار
لمن  الحريب لحربنا شب ناره
نزمي كما تزمي شخانيب سنجار
وإلا كيفان الدبا  ياطا الزباره
وحنا هل الجمع مسبل ليا سار
حريبنا لازم يخلي المعـاره
وسيوفنا  قد عَذَّبت كل جبار
وجدودنا سيــد القبايل خياره


ايملي

lovu79@hotmail.com

الرجوع الى أعلى الصفحة اذهب الى الأسفل
http://alyassir.7olm.org
 
شعراء من الظفير
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الاولى للســـادة الأشــراف الياسر الرســـمية :: ۩۞۩ ::منتدى الادبي:: ۩۞۩ :: قصة وقصيدة-
انتقل الى: